x

Дуда: Польска сістема судів потребує ясны правила

00

Польскый презідент Анджей Дуда в понедільок повів, же Польща потребує правила, котры ясно дефінують, што бы судцьове не мали робити і якым способом бы не мали выражати свої погляды. Інформовала о тім аґентура PAP. Дуда додав, же в демократічных країнах є правилом і то, же судцьове не коментують політічны справы і не засягують до політікы і така сістема мусить быти і в Польщі. Владна партія Право і справедливость в пятніцю до парламенту дала пропозіцію закона, котрый запроваджать новы дісціплінарьны крокы односно судців. В припаді схваліня бы судцьове мусили наприклад інформовати своїх надрядженых о своїм припаднім попереднім членстві в політічній партії, як і о своїх актівітах в рамках мімовладных орґанізацій ці на соціалных сітях. Европска комісія в понедільок інформовала, же посмотрить на то, ці пропозіція закона не порушує прінціп незалежности юстіції.

(Медвідь, TASR)