Німецькый канцеларь Олаф Шолц прияв у понедільок в Берліні председу мадярьской влады Віктора Орбана. Но сполочна пресконференція по стрічі не одбыла ся, што на німецькы обставины барз незвычайне, пише інтернетове выданя денника Népszava. Уряд німецького канцеларя перед стрічов лем курто інформовав, же темов їднань будуть білатералны односины, економічно-політічны вопросы, европскы і меджінародны темы. Денник додав, же ішло о першу офіціалну навщіву Орбана в Німецьку по тім, же Шолц в децембрі 2021-го року хопив ся функції канцеларя.

(Медвідь, TASR)