x

Меркелова бы радше ішла до передчасных выборів

00

Німецька канцеларька Анґела Меркелова є у вопросі меншыновой влады „барз скептічна“ і в припаді, же ся не подарить вытворити коаліцію, бере за ліпше рішіня передчасны выборы. Інформовала о тім аґентура Associated Press. „Єм приготовлена вести нашу козерватівну коаліцію до передчасных выборів,“ повіла подля аґнетуры DPA Меркелова. Такзваны сондажны коалічны їднаня міджі CDU/CSU канцеларькы Меркеловой, лібералами зо Свободной демократічной партії (FDP) і зеленыма скінчіли в понедільок надраном неуспіхом вдяка рішіню свободных одыйти од їначого стола. Председа партії Хрістіан Лінднер то арґументовав тым, же партія не хоче робити уступкы, покля іде о основны справы партії. Додав, же ліпше є не владнути, як владнути фалошно. Цільом приблизно місяць тырваючіх їднань было вытворити в Німецьку першу коаліцію трьох партій, котра мала вычеряти дотеперішнє споєнецьтво CDU/CSU із соціалныма демократами.
(Петро Медбідь)