Веце як 2,86 міліона людей пришло на теріторію Польщі з Україны од зачатку інвазії на Україну. Ознамила то днесь на соціалній сіті польска погранична сторож. Члены споминаной пограничной сторожі в часі вчерайшого дня выконали скоро 25.000 контроль особ приходжаючіх з Україны. То є в порівняню з попередніма днями – понедільком – наріст о 25 процентів. Наспак, з Польщі до сусідньой Україны вчера одыйшло 18.800 людей. Уряд высокого комісяря OSN про міґрантів (UNHCR) на своїй офіціалній інтерентовій сторинці інформує, же до загранича втекло в періоді до 18-го апріля цілково 4.980.589 особ. З них найвеце пішло до Польщі. Наслідує Румунія і Російска федерація. (TASR, Pkf)