x

Порошенко іде мінити конштітуцію

00

Україньскый презідент Петро Порошенко передложыв до Верьховной рады Україны пропозіцію змін, котрыма хоче закомпоновати до найвысшшого закона немінительность напряму Україны до здобытя повноправного членства в Европскій Унії і НАТО. Інформовала о тім у віторок аґентура Укрінформ. Закон має потвердити европску ідентічность україньского народа в преамбулі конштітуції. Єдна із статей пропонує додаток, жебы ґарантом реалізації стратеґічного прямованя Україны до ЕУ і НАТО быв презідент. Перед загнаньом конштітучных змін Порошенко абсолвовав серію стріч з председами парламентных клубів і ґруп. Ани єдна з фракцій не декларовала, жебы не хотіла підпорити презідентовы пропозіції конштітучных змін.
(Медвідь, TASR)