x

Столтенберґ: Швеція поступила при повніню пожадавок Турції

00

Швеція зробила важны крокы ку сповніню турецькых пожадавок, котрыма Анкара давать условії ку схваліню шведьской жадости о членство в Североатлантічній аліанції. Почас навщівы Швеції то в понедільок повів ґенералный секретарь НАТО Єнс Столтенберґ. Інформацію принесла аґентура Reuters. Шеф НАТО оцінив, же Швеція зачала мінити свою протитерорістічну леґіслатіву і же забезпечіть, жебы правны рамкы про експорт зброї оддзеркальовали штатут членьской країны Аліанції з новыма обовязками односно союзників. За його словами то два важны крокы про вырішіня страхів, котры має Турція в повязаню зо вступом Швеції до НАТО.

(Медвідь, TASR)