Презідент Споєных штатів Америкы Доналд Трамп планує в приговорі оголосити гражданам стратеґію у войні в Афґаністані. Білый дім в неділю інформовав, же Трамп приговорить ся народу в понедільок о 21.00 містного часу, што є віторок 3.00 нашого часу, з базы Фор Маєр в окресі Арлінґтон в америцькім штаті Вірджінія. Трамп і його тім про народну безпечность ся стрітили в пятніцю в презідентьскій вікедновій резіденції Кем Дейвід, жебы дішли ку договору о споминаній стратеґії. Їй частьов може быти і высланя тісячів далшых америцькых вояків до Афґаністану.
(Петро Медвідь)