Франція планує в слідуючім році прияти новый закон о іміґрації. Влада Мішела Барніера має надію, же пропозіцію закона передложыть до парламенту початком рока, пише аґентура AFP. Подля говоркыні влады Мауд Брежеоновой, буде потрібный новый закон. Їй высловы про станіцю BFMTV пришли в часі, кедь нова правіцьова влада декларує ціль зробити строгішов іміґрачну політіку і гранічны контролі. Влада хоче і продовжыти час затримованя міґрантів без документів, котрых мож поважовати за небезпечных, з цільом ефектівнішого выгощованя. Влада подля говоркыні не вылучує ани далшы крокы, кедьже покля іде о охрану французьскых гражданів, не мало бы інсовати „жадне табу“.

(Медвідь, TASR)