x

Fidesz тісно веде перед опозіційов

00

Мадярьску владну партію Fidesz переферує нецілый тыждень перед парламентныма вольбами 41 процент воличів, за опозічне зґрупованя В єдности за Мадярьско бы голосовало 39 процент Мадярів. Інформовала о тім аґентура TASR з одкликаньом ся на резултаты сондажи інштітуту Závecz Research, котры в понедільок публіковав інформачный сервер telex.hu. Табор прихыльників партії Віктора Орбана і зґрупованя шестьох опізічных партій є подля той сондажи майже єднакый. Подобны тісны чісла сондаж вказує і при людях, котры хотять зміну влады і тых, котры хотять, жебы продовжовала влада премєра Орбана. Нову владу бы хотіло 42 процент респондентів, проти зміны высловило ся 44 процент звіданых.

(Медвідь, TASR)