Село Шапинець у Свідницькім окресі є єдно із тых сел, якым говориме скоріше невеликы або маленькы русиньскы села. Лежыть 13 кілометрів на север од Ґіралтовець і 15 кілометрів од свого окресного міста Свідник.  В 1964-ім році ся село Шапинець злучіло зо  селом Округле. В тім часі мало 150 обывателів. Днесь є Шапинець самостатным селом під справов села Округле. Жыє в нім 23 обывателів і помаленькы ся мінить на хатове село. Потверджують то і слова старосты села Округле Мартіна Єха, котрый говорить, же ани самы  Шапинчане не мають великый інтерес, жебы ся там наприклад інвестовало або дашто переробляло. Того часу ся в селі скупують порожні хыжы і їх новы властници з них собі роблять вікендове бываня. (Пкф)