Музеї і ґалерії Пряшівского самосправного краю (ПСК) остануть в суботу (17. 5.) отворены аж до підвечурніх ці нескорых вечурніх годин. І в тім року ся залучать до цілоевропейской події Ніч музеїв і ґалерій. Навщівникам понукнуть богатый проґрам. Пресаґентуру TASR о тім інформовала говоркыня края Даша Єленьова. Наприклад, навщівници граду Любовня ся можуть перейти в ґотічнім підземлю, де зажыють і драматічну інтерпретацію історічных приповідок. Зразкы традічных ремесел реґіоналных ремеселників можуть знова прожыти навщівници Експозіції людовой архітектуры і бываня (сканзену) Вігорлатьского музея в Гуменнім а в Храмі св. архангела Михаїла в Новоселиці буде о 15.00 год. вечурня споєна з посвячіньом дзвона. Не будуть там хыбати ани преглядкы експозіції ці выступ фолклорной ґрупы Стужіца зо Снины. (TASR, Pkf)