В просторах народной културной памяткы Солівар в Пряшові ся у четверь святочно зачав тройднёвый меджінародный фестівал палічкованой чіпкы. Подїю, котра каждый рік притягує чіпкарів і любітелїв того ємного ремесла з цїлой Европы, орґанізує Сільнобаньскый чіпкарьскый цех в кооперації зо Словеньскым технічным музеём в Кошіцях а містом Пряшів. TASR o тім інформовала орґанізаторка подїї і председнічка Сільнобаньского чіпкарьского цеху Яна Фрайкорова. Навщівників чекать пестрый проґрам враховано меджінародной выставы чіпкы, тематічных експозіцій і супроводных акцій, котры приближують красу класічной і модерной палічковой чіпкы.

(TASR, Шутіова)