В неділю вечером атаковала Україна дронами Центер на школіня в Запорожскiй ядернiй електрарнi, де ся находить сiмулатор реакторовой салы. Російов досаджене веджiня електрарні ознамило, же три дроны засягли цiль скоро 250 – 300 метрiв од першого блока, но не запричiнили важны шкоды і ход електрарні продовжує ся в нормалнім режiмi. Тот iнцiдент приходить по тім, што шеф Меджiнародной аґентуры про атому енергiю (MAAE) Рафаел Ґроссi увів, же тiм MAAE в електрарні чув в суботу стовкы выстрiлiв, што назанaчує продовжуючу воєньску актiвiту, котра загрожує ядерну безпечность. Запорожска ядерна електрарня, котрой вшыткы шiсть реакторiв суть одставленых, є од початку войны  терчом атаків, з котрых ся взаємно обвинюють Росія і Україна. (TASR, Пкф)