Малта під час септембрового засiданя Ґенералной асамблеї Орґанізації обєднаных націй (VZ OSN) стане ся дальшов країнов, котра узнaть Палестину як штат. У вівторок то выголосив премiєр Роберт Абела. Островный штат ся так припоїть к Британії і Франції, котры уж такый крок недавно авізовали. Інформують о тім ґентура  Reuters і портал Malta News. Палестину як суверенный штат актуално узнавать 147 зо 193 членьскых штатiв OSN. Британьскый премiєр Кір Стармер у вівторок увів, же ак Ізраїль не приступить на приміря з мiлiтантным рухом Хамас у войні в Пасмi Газы, Сполучене Кральовство в септембрі перед VZ OSN узнать Палестиньскый штат. План узнати Палестіну минулый тыждень оголосив і францюзькый презідент Емануел Макрон. (TASR, Пкф)