Слобода путовати, слобода говорити, слобода подникати – тото вшытко ся на куртый час скоро стало реалiтoв в бывшім соціалiстічнім Чехословеньску. Значкы демократічного процесу але не тырвали довго. В авґусті 1968 їх потисла інвазія армад пятьoх штатів Варшавского договору – Совїтьского союзу, Булгарії, Мадярска, Німецькой демократічной републикы (НДР) і Польщі. Воєньска акція ся зачала 21-го авґуста 1968-го року і выжадала собі до кінця того рока жывоты 38 особ на Словакії з цілкового чісла 108 жертв в Чехословеньску. Траґічным подіям є присвяченый памятный день – День жертв окупації Чехо-Словеньска в році 1968, котрый собі Словакія припоминать днесь 21-го авґуста. (TASR, Пкф)