Стріча презідентів країн Вышеградьской штиркы (V4) може одбыти ся в северомадярьскім Вышеграді кінцьом новембра або початком децембра. Інформовав о тім в понедільок сервер szapadeuropa.hu, подля котрого позваня мадярьского презідента Тамаша Шуйока прияли вшыткы заінтересованы – чеськый презідент Петр Павел, польскый презідент Карол Навроцькый і словацькый презідент Петер Пеллеґріні, інформує аґентура TASR. Подля неменованого джерела з кругів мадярьской влады бы головы держав V4 могли діскутовати о сполочных інвестіціях до транспорту, як є наприклад высокоскоростна желізніця, о чім ся діскутовало в році 2018. Послідній саміт презідентів V4 проходив у новембрі 2023-го року в Празі.

(Медвідь, TASR)