Передчасны парламентны вольбы у Сербії будуть кінцьом 2026-го року, повів то в неділю сербскый презідент Александар Вучіч з тым, же може одбудуть ся і скоріше. На вопрос, ці по скінчіню свого презідентьского мандату замірять ся на то, жебы став премєром повів, же таку можливость не вылучує. Подля аґентуры HINA штудентьскый рух в Сербії зорґанізовав у неділю цілонародну кампань під назвов Вызва ку перемозі, почас котрой зберав підписы на підпору зорґанізованя передчасных волеб. Вучіч тоту ініціатіву одшмарив із тверджіньом, же штуденты кламуть людей. Презідент наконець повів, же прияли головну пожадавку штудентів, і вольбы будуть проходити в слідуючім році.

(Медвідь, TASR)