Найслуханіше / Najsluchaňiše
Погода 20.03.2024
Днесь є переважні сонечно. На выході локалні захмарено і суть слабы опады. Найвысша денна теплота 8 аж 14 ґрадусів. Дує переважно слабый вітор. Найнизша ночна теплота 4 аж -1, в долинах вынятково, главні на выході -1 аж -4 ґрадусів. (SHÚM,
Погода 19. 3. 2024
Переважно сонячно. На северовыході унікатно звекшена хмарность з можливостьов слабого сніжіня. Денна теплота 7 аж 12, в северній половині коло 5 ґрадусів. Слабый, на западі і выході переважно северный вітор до 25 км за годину. (Медвідь, SHMÚ)
Люди можуть голосовати за проєкты в партіціпатівнім розрахунку ПСК
Голосованя в третім річнику Вызвы Партіціпатівный розрахунок Пряшівского самосправного краю є спущене. Люди в ній вырішують о розділіню публічных фінанцій в сумі 130 тісяч евр, а єдночасно о тім, котры комунітны проєкты будуть реалізовати ся. Жытелі реґіону собі актуално можуть
Вольбы бы в марці выграла партія Smer-SD
Парламентны вольбы бы в марці выграла партія Smer-SD з підпоров 23,4 процента воличів. На другім місці бы была партія Progresívne Slovensko з 20,8 процентами, на третім Hlas-SD з 17,1 процентами. Выходить то з баданя аґентуры Ipsos про Denník N, реалізованого
Рух Slovensko не хоче редукованя дітьскых поготовостей без плану
Рух Slovensko вітать, же міністерка здравотництва Зузана Долинкова почала рішыти проблематіку дітьскых поготовостей зо самосправами. Но не припущать редукованя дітьскых поготовостей без того, жебы Міністерство здравотництва СР представило ясный план, як забезпечіть здравотну старостливость о дітьскых паціентів в доткнутых окресах.
Польскы фармары блокують гранічны переходы з Німецьком
Польскы фармары блоковали в понедільок два гранічны переходы з Німецьком, інфрормовала польска поліція. Блокада подля говорцю поліції почала уж в неділю, а має тримати до середы. Земледільці в Польщі і в многых далшых країнах Европской унії вызывають на зміны обмеджінь,
Членство Швеції в НАТО никого не огрожує
Членство Швеції в Североатлантічній аліанції не є намірене проти никого і никого не огрожує, выголосив у понедільок шведьскый краль Карол XVI. Ґустав на церемонії піднятя прапору НАТО перед будовов парламенту в Штокголмі. Інформує о тім аґентура DPA. „Швеція никого не
Ердоґан запропоновав ся за посередника меджі Москвов і Києвом
Турецькый презідент Речеп Тайїп Ердоґан в понедільок заґратуловав Владимірови Путінови ку зновузволіню до функції російского презідента і запропоновав му, же буде посередником меджі Москвов і Українов. З одкликаньом ся на канцеларію турецького презідента о тім інформує аґентура AFP. Припомянула, же
Переможцьом презідентьскых волеб в Росії є Путін
Переможцьом презідентьскых волеб в Росії, котры ся одбыли од 15-го до 17-го марца, ся подля очікуваня став дотеперішній шеф Кремля Владімір Путін, котрый здобыв 87,8 процента голосів. Выслідкы волеб опубліковала телевізія Россія 24 на основі выслідків exit pollu. Далеко в
Ізраїльска армада оголосила операцію в шпиталі в місті Ґаза
Ізраїльска армада днесь ознамила, же выконавать операцію в главнім шпиталі в місті Ґаза. Комплекс будов подля ньой хоснують высокопоставлены членове руху Hamas, інформують о тім аґентуры AFP і DPA. Šifá є найвекшым шпитальом в Пасмі Ґазы. Ізраїльска армада в єй
Роберт Фіцо чує протесты публікы проти змінам в законі o RTVS як часть презідентьской кампанії
Розглас і телевізія Словакії є необєктівна і чує то і значна часть позерателів. В діскусній релації RTVS то увів председа парламентного выбору про културу і медія Роман Міхелко (SNS). Председа SaS Станіслав Ґроглінґ попередив, же зміны в законі o RTVS
На світовый день воды собі можете дати сконтролювати воду зо студні
З нагоды Світового дня воды інтересуючі собі можуть дати сконтролювати дусічнаны і дусітаны у воді зо студні. Бесплатный аналіз у четверь 21-го марца дасть Уряд верейного здравотницьтва СР (ÚVZ SR). У выбраных датумох їх будуть реалізувати і реґіоналны уряды верейного
Перед вольбами собі треба сконтролювати діяня обчаньской леґітімації
Перед презідентьскыма вольбами собі треба сконтролювати діяня обчаньской леґітімації. З неплатнов леґітімаційов не є можне волити. Покы собі волич якраз выбавлює нову обчаньску леґітімацію, може ся преуказати потверджіньом о його выбавлюваню. “Документ, котрый выдасть Поліцайный збор як алтернатіву в часі
В Меджілабірцях планують застрішыти ледову площадку
Місто Меджілабірці планує застрішыти ледову площадку. Продовжыти так хоче період, в часі котрого буде мож хоснувати і понижыти преведзковый келчік повязаный з утримуваням леду. Як повів пріматор міста Владіслав Вішньовскый про пресаґентуру TASR, місто ся звернуло на штатный фонд про
Погода: 15.03.2024
Ясно аж півясно, на западї а пізнїше і серединї Словакії хмарно аж захмарено. Найвысша денна теплота 12 аж 17 ґрадусів. Теплота на горах у вышцї 1500м около 3 ґрадусів. В ночі ясно аж півясно, в низшых пологах місцями низка хмарность
Comments