Bез почливости ку медіям не можеме бісідовати о розвитій сполочности, написав днесь на соціалній сіті премєр Едуард Геґер при нагоді Світового дня слободы пресы. Єдночасно вызвав опозічных і коалічных політіків, жебы ку медіям справовали ся з почливостьов, бо їх словник є дзеркалом сполочности. Култура почливости односно новинарів і медій є подля Геґера знаком слободы пресы. Лем розвита сполочность докаже нести крітічны вопросы з решпектом і надглядом, написав премєр. Новинарі суть подля нього важны про здраве фунґованя демократічной державы.

(Медвідь, TASR)