Посланці Народной рады СР ся зыйдуть завтра 15-го фебруара. На проґрамі актуалні 55.  засіданя їх чекать іщі много непродіскутованых пунктів. Подля проґраму опублікованого на інтернетовім сайті Народной рады СР бы ся мали у вівторок законодарцове заоберати окрім іншого і новов суднов мапов з ділні міністеркы справодливости Марії Коліковой. Реформа судной справы рахує зо зрушіньом штирьох окресів. Взникнути мають містьскы суды в Кошыцях і Братіславі. По новім мають існувати три обводы крайскых судів з центрами в Трнаві, Жіліні і Пряшові. Звышні суды мають фунґовати як працовіска або центра. (TASR, Pkf)