Шпортовы орґанізації, але і самосправы ці высокы школы і зряджователі школ ся можуть до 18-го марца уходити о дотацію Фонду на підпору шпорту (FnPŠ). У новоотвореній вызві на выбудованя, реконштрукцію і модернізацію шпортовой інфраштруктуры є алокованых мінімално 20 міліонів евр. В опублікованых детайлах вызвы ся пише, же максімална вышка помочі на єден проєкт є 1 міліон евр, мінімална 100 000 евр. Поміч є можне хоснувати на реалізацію проєкту до кінця марца 2029-го року, мінімална доба реалізованя проєкту є становлена на пять років. Результаты вызвы ознамить фонд найпізніше до 16-го юна. (TASR, Пкф)