Природна резервація Пралісы Словеньска взникне 1-го децембра. Выходить то з постановліня влады, котре кабінет на пропозицію Міністерства жывотного оточіня СР  днесь одобрило. Даным постановліням ся за хранену теріторію выголошують дотепер недостаточні хранены пралісы і природны лісы Словакії. Вєдно то буде 76 локаліт в розмаїтых частях Словакії. Локаліты суть у вшыткых крайох окрім Нітряньского. Цалкова теріторія бы мала быти 6462,42 гектарів. На цілій теріторії Пралісів Словеньска мав бы  діяти пятый ступінь охраны. (TASR, Pkf)