Перед презідентьскыма вольбами сі треба сконтролёвати платность обчаньской леґітімації. На припадну выміну докладу є теперь подля поліції найвысшый час. TASR о тім інформовала говоркыня Презідія Поліцайного збору Деніса Бардіова. Обчаньска леґітімація є неплатна, кедь прошла єй платность, є пошкоджена так, же ся з нёв не дать превказати тотожность або в нєй уведжена інформація, або є розломлена. За неплатну ся поважує і в припадї, кедь вміщать неплатны або неправилны інформації (змінене призвіско або адреса стабілного бываня), або єй маїтель оголосить страту або украджіня. Перше коло волеб презідента буде в суботу 23. марца.

(TASR, Шутіова)