Председа влады СР Петер Пеллеґріні пожелав председові Австрійской людовой партії (ÖVP) Себастіянові Курцові к перемогі в предчасных парламентных вольбах в Австрії. „Тішу ся на дальшу суперову сполупрацю меджі нашыма країнами в білатералній області і на европскій уровні,“ передала премєрове поздоровліня його говоркыня Патріція Мацікова. В предчасных парламентных вольбах в Австрії перемогла Австрійска людова партія бывалого канцелара Себастіяна Курца із прибытком 38,4 перцент голосів, на другім місці скінчіла Соціалнодемократична партія Австрії (SPÖ) із 21,5 процентів голосів а на третім Незалежна партія Австрії  (FPÖ), котра здобыла 17,3 процентів голосів. До парламенту ся іщі достали Зелены і партія NEOS. (TASR, Pkf)