Председа влады СР Петер Пеллеґріні (Smer-SD), повіреный веджінём резорту здравотніцтва, у четверь підписав поволїня на поданя нецертіфікованого лїку про дїти котры терплять діаґнозов SMA, спіналнов мускулатурнов артофіов тіпу 1. Премєр то увів перед рокованём влады з тым, же родіче дїтей ся потім можуть обернути на здравотны поіщовни зо жадостёв о переплачіня. Обща здравотна поіщовня бы мала подля ёго слов так зробити.

(TASR, Шутіова)