Міністерство културы СР опубліковало нову вызву в рамках ґрантового проґраму Култура зневыгодненых ґруп. Заміром дотацій, о котры мож пожадати самосправы а їх зряджовательскы орґанізації, є підпорити проєкты дебаріерізації і зпрощіня фізічного приступу до културных обєктів і памяток про особы зо здравотным постигом. Жадости мож передкладати до 15. октобра. У вызві є алокованых 202.000 евр, максімална частка пожадованой дотації на єден проєкт є 30.000 евр а сполуфінанцёваня є у вышцї 20 процент розрахунку, респектіве оправненых накладів проєкту.

(TASR, Шутіова)