„Дінамічный Вышеґрад про Европу“ є моттом словацькой уж пятой презідії в ґрупі В4, котру буде мати од 1-го юла аж до 30-го юна слідуючого року. Проґрам словацькой презідії є звудованый на пріорітах: міцна Европа, безпечне оточіня і інтеліґентны рішіня. Заміром є підкреслити ясну орьєнтацію Словакії на Европу як простору, котрый є про далшый розвиток цілого реґіону важный про жывот. Словакія хоче почас презідії звернути увагу і на сполочны културны коріня і історічны скушености в контексті історічных премін Европы. Подля публікованого матеріалу Міністерства загранічных діл із нагоды сторічніці закінчіня Першой світовой войны і выникнутя новых держав на теріторії Австро-Угорьской імперії в польскім Ряшові буде проходити 1-ый річник театрално-умелецького фестівалу під назвов Transmisje. Презідія буде пропаґовати і актуалный Европскый рік културной дідовизны 2018.
(TASR)