Інтеґрація штатів западного Балкану до Европской унії є стратеґічна пріоріта Словеньска. Є то тыж ключовый передпоклад про посилнїня стабіліты, безпечности і просперіты Европы. На конференції ку темі западного Балкану і будучности контіненту то у четверь выголосив міністер загранічных дїл Юрай Бланарь (Smer-SD). TASR о тім інформовав комунікачный одбор Міністерства загранічных дїл і европскых залежностей СР. ,,Розшырёваня Европской унії є днесь потребніше як хоцьколи передтым. В сучаснім ґеополітічнім контекстї треба дати до процесу інтеґрації штатів западного Балкану нову дінаміку а ясный політічный імпулз,” думать сі Бланарь. Як доповнив, Словакія довгодобо належыть ку найвыразнішым підпорователём того процесу. Потвердив, же держава буде в підпорі продовжовати. Ку далшому посилнїню кооперації мать приспіти і міністерске рокованя ґрупы Приятелїв западного Балкану в маю.

(TASR, Шутіова)