Матурітный тыждень закончіть днесь екстерный тест і слогова робота зо словацького языка і словацькой літературы а з україньского языка і літературы про школярїв зо школ народностных меншын. ,,В припадї словацького языка і словацькой літературы буде писати обидві части приближно 1600 школярїв,“ приближыли про TASR з одбору комунікації і маркетінґу Міністерства школства, наукы, баданя і шпорту СР. Україньскый язык і література чекають 27 матурантів. Тыждень писомных матуріт у віторок 15. марца отворили екстерный тест і слогова робота зо словацького языка і літературы. В тім школьскім роцї є приголошеных на матурітный екзамен 40.390 школярїв. В середу 16. марца матуранты абсолвовали писомну матуріту з чуджого языка. Скоро 5000 матурантів у четверь 17. марца писомно матуровало з математікы.

(TASR, Шутіова)