„Молоды суть будучностьов нашой країны. Яку маєме молодеж, так буде вызерати наша країна о 20, 30 років,“ выголосив презідент Андрей Кіска в неділю по приході на Маріяньску святу гору в Левочі. Кіска ся там стрітнув з молодыма путниками, котры за його словами пошырюють добро в країні і вказують позівітну тварь. На найвекшый римокатолицькый одпуст на Словакії, котрый проходить на левочскій Маріяньскій святій горі завітав презідент Словацькой републікы по першыраз.