Опублікованый відеозапис о передаваню фінанчной готовости пояснює посланець Народной рады (НР) СР і пріматор Кежмарку Ян Ференчак як часть цільовой кріміналізації його особы. Керувати ю має подля його слов шеф поліцайной іншпекції Браніслав Зуріан на приказ міністра внутра Матуша Шутая Ештока. Увів то в релації Тема дня в телевізії TA3. Запис опубліковав портал Plus 7 dní. Ференчак пояснив, же особі на відео понукнув пожычку. Іде подля нього о ознамователя, котрый сполупрацює на кріміналізації його особы. З місця посланця НР СР не планує одступувати.. (TASR, Пкф)