Опозична партія SaS і політичный  рух OĽaNO критізують договор о скінченю выставбы часті далниці Д1 Літовска Лучка – Вішньове – Дубна Скала з ділні міністерства транспорту, котру в середу одобрила влада. Міністрові транспорту Арпадові Ерсекові і владі вычітають главні запізніня  докінченя даной часті далниці і правдеподобно передорожіня ставбы. „Договор на котрім ся міністер договорив з італійско-словацькым конзорціом, є про Словакію невыгодный. Нелемже збавує зготовителя дакотрых санкцій, котры му грозили за пізне одовзданя і мешканя єднотливых фаз ставбы, але Словакія дословно од нього выкупить цілу будівницьку площадку і з технічным заряджіньом за вецей як 15 міліонів евр,“ повів посланец Народной рады СР за SaS Мірослав Іван. За словами председу SaS Ріхарда Сулика є тунел Вішньове „памятником некомпетентності той влады“. (TASR, Pkf)