Шпеціалізованый карный суд (ŠTS),  філіялка Банска Быстріця, одсудив днесь бывшого шефа народной єдноткы фінанчной поліції Народной кріміналной аґентуры (NAKA) Бернада Слободніка на тройрочный трест  однятя слободы з подміненым одкладом на скушобный час в тырваню штирьох років. Суд так зробив на основі строгішого договору о вині і тресті меджі прокуратором Уряду шпеціалной прокуратуры  (ÚŠP) і Слободніком, котрый признав вину в трьох корупчных актох. Вердікт быв моментом выголошіня правоплатный. Ексшеф фінанчной поліції NAKA  ся вздав права на публічный судный процес і можности одкликати ся проти розсудку. (TASR, Pkf)