Бабіш жадать од снїмовнї поліцайну жадость о ёго выданя
Председа гнутя АНО Аднрей Бабіш хоче, жебы му снїмовня дала поліцайну жадость о ёго выданя. Аж потім ся ку цїлій кавзі высловить. Ексміністрові фінанції грозить трестне стиганя за кавзу „боцанове гнїздо‟, в котрій го вінять із знеужываня еврофондів. (Зденка Цітрякова)
Кітайска ЦЕФЦ рокує о одкуплїню подїлу в російскім ропнім концернї Роснефть
Рокованя суть предбежны і заты не є ясне, кілько планує кітайска компанія ЦЕФЦ Чіна Енерджі до Роснефтї інвестовати. Подля єдного із здроїв, найвекша і найвпливнїша російска ропна фірма Роснефть є отворена продати подїлы у своїм малообходнім бізнісї, до якого належить
В Гуменнім выставлюють творы російскых авторів іншпірованы Словеньском
Вігорлатьскый музей в Гуменнім отворив про своїх навщівників выставу 13-тёх російскых авторів, членів московской Міджінародной академії културы і уміня, під назвов Штири части рока – Словеньско в творах російскых умелців. В ґалерійных просторах музея є выставленых выше 40 образів, котры
Земан мать дость підписів на підпору кандідатуры
Чеськый презідент Miлош Земан мать уж достаток підписів на підпору свойой кандідатуры до будучіх волеб. Петіцію за зновазволіня сучасного чеського презідента до функції підпорило дотеперь підписами 59 623 людей. Платна чеська леґіслатіва выжадує мінімално 50 тісяч підписів. Уж скорше інформовав
Шкотьскый парламент терчом гекерів
Шкотьскый автономный парламент днесь інформовав, же ся став терчом кібернетічной атакы, но його компютерова сістема затля не была нарушена. Незнамы гекеры спробовали насилно переломити приступовы гесла. Шкотьскый парламент із центром в Едінбурґу у своїм выголошіню убезпечів, же його IT сістемы
Путін успішнішый як Трамп
У многых споєнців Споєных штатів Америкы є руськый презідент Владимір Путін довірыгоднішый як америцькый презідент Доналд Трамп. В Ґреції, Німецьку, Турції, Мадярьску, Франції, Італії і Іспанії люде вірять, же руськый презідент є про світову політіку проспішнішый. (Анна Кузмякова)
Найвекшы оправы уліць в Стропкові
Стропков зачав із найвекшыма оправами уліць за 25 років. На їх оправы выділило місто скоро 377 тісяч евр. В Стропкові уж зачали роботы з реконштрукціов уліць, ходників і навколишнього простору. Іде о найвекшу дотеперішню інвестіцію до уліць і ходників. Оправа
Влада реаґує на вызву УНЕСКА
Словеньска влада по крітіці UNESCO готує новы крокы на охрану буковых пралісів. Meджірезортна ґрупа пропонує росшыріня теріторій з пятым ступіньом охраны выголошіньом резервацій Чернины, Прамениско Цірохы і Нежабець. (Анна Кузмякова)
Данко реаґовав на вызву премєра
Председа СНС Aндрей Данко реаґовав вчера на вызву премєра Роберта Фіца, жебы предложыв пропозіцію на нового кандідата на пост міністра школства. Днесь о десятій годині професор Петер Плавчан подав свою абдікацію на міністра школства. Данко о тім інформовав уж на
Погода 17.8.2017
Спочатку мала, через день прибываюча захмареность, місцями i додж. Найвысша денна теплота 28 aж 33 ґрадусів. Теплота на горах у вышці 1500 м коло 18 ґрадусів. Слабый перемінливый в Абові і на Земпліні северный вітор до 6 метрів за секунду.
Савдьска Арабія і Ірак по 27-ох роках отворять граніці
Савдьска Арабія і Ірак по двадцятьсемох роках отворять гранічный переход. Тот быв дотеперь отвореный лем раз до рока. А то про путників на дорозі до Меккы. Граніця была заперта в 1990-ім році, кедь Садам Гусайн нарядив інвазію до Кувайту. (Анна
На осінь того рока зачнуть ся будовати на Словенску новы ціклотрасы
В реґіонох Словенска ся може зачать з будованням 86,9 кілометра новых ціклотрас. Міністерство землегосподарства і розвоя періферії Словацькой републикы одобрило 28 проєктів на новы ціклотрасы, котры будуть фінанцованы з еврофондів в сумі 12,7 міліонів евр. На основі слов ґенералного директора
Місто Меджілабірці буде мати місьтску поліцію
Місто Меджілабірці є єдно з мала міст на Словенску, котре немать місьтску поліцію. З той причины было вычленнено з міського бютжету 50 тісяч евр на єй вытворіня. Дана сума бы мала стачіти на выплату і одводы поліцайтам, на накуп поліцайной
Брітска влада нехоче завести граничні контролі меджі Северным Ірском і Ірском
Брітска влада нехоче знову завести граничні контролі меджі Северным Ірском і Ірском по тім, як в марці 2019 року одыйде з Европской унії. Выпливать то з документів в котрых ся пише о брітскій позиції про третє коло веджіня переговорів о
Председове владных політічных партій ся договорили
Председове владных політичных партій ся по предвчерайшній і вчерайшій конзултації договорили на ряднім перебігу і на одобріню днешнього проґраму засідання влады Словацькой републикы. Єдночасно ся договорили на часовім гармоноґрамі приправы додатку ку Коалічному договору с екстра аспектом на дальшы пріоріты
