З нагоды недожытых 85-ых народенин академічного маляря Михала Чабалы СНМ – Музей русиньской културы в Пряшові приправує выставу ,,Михал Чабала – Знамый – Незнамый“. Вернісаж одбуде ся завтра 19-го фебруара о 16.00 год. в просторах музея. Пресаґентуру TASR о тім інформовала културно-пропаґачна манажерка музея Яна Трущінска. Як повіла, в творчости Чабалы, котру презентовав на скоро 60-тьох колектівных выставах і на шестьох самостатных, была доменов країномальба, но рад малював і театралны мотівы, вынятковы были його портреты ці закутя. Чабала народив ся 4-го фебруара 1941-го року в селі Нижні Чабины, умер 3-го авґуста 2002-го року в Пряшові. Штудовав в Брні і в Братіславі. По куртім діяню в роках 1969 – 1970 на вытварній катедрі Педаґоґічной факулты в Трнаві собі выбрав в 1972-ім році жывот умелця в слободній професії.  (TASR, Пкф)