Од понеділька вечур в Пряшівскім краю суть функчны три з пятьох драговых гранічных переходів до Польщі. Обмеджіня є повязане зо вступом Словакії до другой фазы такзваной алерт сістемы протипандемічных наряджінь на граніцях, в рамках котрой ся заперають дакотры меншы переходы. Поліція так само од понеділька запровадила інтензівны контролі на граніціях. Контролює дотримованя обовязків особ, котры вступують до країны. В краю зістали одкрыты переходы Подспады – Юрґув, Мнишек над Попрадом – Пивнічна і Вышній Комарник – Барвінок. Мосты про пішых зіставають одкрыты.

(Медвідь, TASR)