Місто Свідник выбудує новы найомны квартелі, котры взникнуть з нефункчного обєкту квартельного дому в бывшім ареалі середнього одборного учіліща. Радниця здобыла підпору у вышці 2.162.850 евр на будівельну управу найомных квартель, котры неодзеркалюють основны пожадавкы ставбы, і на обстараня технічной выбавлености у вышці 206.530 евр зо Штатного фонду розвоя бываня (ŠFRB). Пресаґентуру TASR о тім інформовала PR манажерка міста Свідник Крістіна Тчірова. Такым способом прибуде 77 місць на паркованя, новы пішникы і приступова драга ку дому. Шість штоковый квартельный дом подля Тхіровой принесе потенціалным заінтересованым можливость здобыти найом в єднім з 52 найомных квартель з котрых є шість тройізбовых квартель з теріторійов веце як 74 квадратных метрів і 46 двойізбовых квартель з теріторійов веце як 50 квадратных метрів. Жадості буде місто подля Тхіровой приїмати зразу по опублікованю условій найму. (TASR, Пкф)