Презідентка СР Зузана Чапутова і естоньскый презідент Алар Каріс навщівили Спішскый град
00
![](https://www.rusyn.fm/wp-content/uploads/2017/08/1360853347_bigstock-Chapter-Spisska-and-Spissky-Ca-16128422.jpg)
Спішскый град днесь навщівила презідентка СР Зузана Чапутова і естоньскый презідент Алар Каріс, котрый є на двойдньовій офіціалній навщіві Словакії. Пресаґентуру TASR о тім інформував говорця презіденткы СР Мартін Стріженец. Презідент Естонії прийшов на Словакію вчера на позваня Чапутовой. Прівітала го в Історічній радниці в Кошыцях, де абсолвували сполочне їднаня. Чапутова, котра од понеділька (27.03.) до кінця тыждня урядує з Кошыць, ся днесь окрім іншого поінформувала з успішным проєктом выставбы домів в селі Кецеровце, до котрого є залучена містьтна ромська комуніта. В часі вечера ся презідентка прямо з Кошыць припоїть к онлайн саміту про демокрацію, котрый орґанізує презідента США Йое Біден. (TASR, Pkf)
-
Назад / Nazad В русиньскых селах были доповнюючі вольбы
-
Далше / Dalše Одбыло ся засіданя реґіоналной і містьтной самосправы, котре орґанізувало ПСК