Приближыти історію тяжбы опалу в Сланьскых верьхох над Пряшовом, як і упрямити позорность навщівників на природу є цїлём нового научного пішника. Сприступнили го ту у четверь. Выбудовали го Словацькы опаловы банї, с.р.о., в сполупраці зо штатным подником Лїсы СР і Реґіоналным центром охраны природы в Пряшові. TASR о тім інформовала маркетінґова манажерка Словацькых опаловых баней Івета Адамова. Научный пішник веде баньскым ревіром Лібанка, на теріторії котрого ся находять стары баньскы дїла, котры ту взникли протягом тяжбы дорогого опалу. ,,На трасї з довжков приближно 1,5 кілометра є вміщеных 14 інформачных табуль венованым взнику опалу, тяжбі, выбраным баньскым дїлам, як і еколоґії, веґетації і зоолоґії Сланьскых верьхів а окремо мышпергачім,“ повіла Адамова. Теріторія, котров научный пішник веде ся находить в четвертім ступню охраны природы. Вступ на пішник є безплатный а є вгодный про дїти і дорослых.

(TASR, Шутіова)