Два новы ворковтовы гріска про шпортовы актівіты в єкстерєрі уж в місті Снина служать верейности. О славностнім отворіню шпортовіска в Топольовій алеї на дразі ку рекреачній області Сниньскы рыбникы і Парку актівіт в близькости містьской плаварні  інформувала самосправа на своїй інтерентовій сторинці.  В Парку актівіт з розлогов скоро 150 квадратных метрів, котрого выбудованя собі выжадав келчік у вышці веце як 77.000 евр, суть іншталованы окрім іншого і шпеціалны часті на тренованя  так, абы могли хоснувати дане гріско і імобілны шпортовці. Самосправа здобыла на Парк актівіт фінанчный вклад у вышці 40.000 евр з Міністерства інвестицій, реґіоналного розвоя і інформатізації СР  в рамках проґраму Підпоры найменше розвинутых окресів. Проєкт выбудованя ворковтового гріска в Топольовій алеї быв підпореный знова з розрахунку Пряшівского самосправного края, проґрам Вызва про реґіон 2021 сумов 20.300 евр. Цілковый келчік на выбудованя споминаного шпортового гріска представував скоро 40.500 евр. (TASR, Пкф)