x

Фінанції з пряшівського бенефічного бовлінґового турная підуть до Ублі

00

Суму 10.500 евр ся подарило вызберати на 14-ім рочнику бенефічного бовлінґового турная, котрый ся одбыв в понедільок, 14-го марца, в Пряшові. Фінанції поможуть міґрантам з Україны, котры приходять через гранічній переход до села Убля. TASR о тім інформовала говоркыня Пряшівского самосправного краю Даша Єленьова. На споминаній акції, котрой орґанізатором быв край і пріватна фірма, брали участь десяткы знамых особностей і подникателів з цілого краю. Про добру справу ся залучіло 24 команд. Вєдно ся подарило вызберати 10.500 евр. Старостка Ублі і єдночасно крайска посланкыня Надежда Сіркова окрем іншого повіла, же фінанції поужыють на ход табора про міґрантів, главні про матері з дітьма. (TASR-ПКФ)