До Гуменного ся ниякых 250 міґрантів незбирать. У своїм вчерайшім выголосіню то увела пріматорка Гуменного Яна Вальова. Реаґувала тым на, за єй словами, першы фалошны справы о тім, же азылове центрум в Гуменнім ся мать наповнити міґрантами. Як твердить, дахто перед комуналныма вольбами попробував злоужыти робочій матерял приправуваный міністерством внутра, котрым хотіли урядниці по семый раз управити способ фунґованя азылового центра. Як далей увела, за словами директора Міґрачного уряду Міністерства внутра СР Бернарда Пріецела в сучасности в азыловім домі суть штирі особы зо Судану. „Суть під мандатом ОСН, несуть жадательмі о азыл в Словацькій републикі, неоставають на нашій території, але суть в часі піврока переселены до третьой країны. Прото повторюю, ниякых 250 міґрантів ся до Гуменного незбирать. Як дахто шырить такы інформації, нароком дурить людей. Так само несуть ниякых причіны на орґанізуваня хоцьякых петиції ці протестных мітінґів проти приходу міґрантів, кедже ниякы неприйдуть,“ сконштатовала Вальова.
(TASR)