Варшавскый Музей модерного уменя ся вмістив на верьхолї рейтінґу найінтереснїшых новых умелецькых інштітуцій на світї, котрый зоставило реномоване выдавательство Lonely Planet. Нова будова музеа, отворена 25. октобра 2024, заінтересовала домашню і меджінародну публіку. ,,Єдна з наймолодшых і найдінамічнїшых інштітуцій в Польщі мать конечнї властну будову. Музей, заложеный в роцї 2005, ся напрямує на дїла польскых умелцїв з 20. і 21. стороча, причім ся не боїть рефлектовати актуалны політічны і сполоченьскы темы,“ пише Lonely Planet. Нова будоба ся находить в центрї Варшавы опроти Палацу  културы і наукы а єй дізайн походить од америцького архітекта Томаса Піфера.

(TASR, Шутіова)