В пражскій зоо ся коронавірусом наказили два левы індіцкы і єдна ґоріла. У четверь о тім інформовав єй директор Мірослав Бобек, пише портал iDNES.cz. Наказу левів Ямвана і Сухіго і самця ґорілы Ріхарда потвердив резултат тестів зо взоркы їх трусу. Вшыткы троє проявляють лем мірны сімптомы захворїня – левы терплять ємнов надхов і кашлём, ґоріла зас не мать смак до їдла а є выхлята, написав Бобек на соціалній сїтї. Звірята суть під доглядом своїх хователїв. В припадї згоршіня їх ставу їм буде додана підпорна лїчба, котру але Бобек нешпеціфіковав.

(TASR, Шутіова)