Україньскый презідент Володимір Зеленьскый пожадав в ночі Запад о „ясну підпору“. У своїм прояві жытелям Україны презідент повів, же Україна ся „не боїть ничого і никого“. Крокы Кремля повязаны з вызнаньом сепаратістічных реґіонів за незалежны державы і посланьом до них російской армії означів за порушіня сувереніты і теріторіалной цілости Україны. Зеленьскый мав прояв ку народу по міморядных конзултаціях із світовыма лідрами. Презідент підкреслив, же Українці суть на властній теріторії. В ночі засідала і Безпечностна рада Орґанізації зъєдиненых народів, котра была скликана на жадость Києва. Споєны штаты уж запровадили санкції на обидва сепаратістічны реґіоны. Лідры Франції, Німецька і Споєных штатів ся іщі вчера в ночі згодли на тім, же найновішы крокы Росії не зістануть без одповіді.

(Медвідь, TASR)