Косовскый премєр Рамуш Гарадінай запропоновав зорґанізованя меджінародной конференції з цільом фіналізації конечного договору о нормалізації односин меджі Косовом і Сербійов. Гарадінай в понедільок подля аґентуры Associated Press публіковав писмо, котре загнав США, Франції, Німецьку, Італії і Великобрітанії. Выразив ся, же Косово наслідно зрушыть 100-процентну дань на сербскы і босняньскы выробкы, котра была дана минувшый рік. Подля нього тот крок зістане чінный, покля Белеград не признать сувереніту Косова і не перестане сперати Приштині у вступі до меджінародных орґанізацій. Додав, же Споєны штаты і Европска унія бы мали быти ґарантами резултатів пропонованой конференції і їх імплементації.

(TASR, Mедвідь)