Мексіцькы уряды підвышыли у четверь выстрагу повязану зо сопков Попокатепетл, котра хырлить розпалены скалы і попіл а выпущать пліны просто зо сопечного комина. Інформовала о тім аґентура АП. Мексіцькый Народный центер про превенцію жывелных погром ознамив, же выдав выстрагу третёго ґрадуса в жовтім пасмі, за котров уж наслїдує червене выстражне пасмо. То бы спустило приправы на евакуацію, уводить аґентура АП. В округу 100 кілометрів од кратера сопкы жыє приближно 25 міліонів людей.

(TASR, Шутіова)