Другый ґлобалный саміт заміряный на коронавірусову хвороту Covid-19 одбуде ся віртуално 12-го мая. В понедільок о тім інформовав Білый дім, з котрого выголошіня цітовали аґентуры AFP і Reuters. Предсидати саміту будуть Споєны штаты Америкы вєдно з Німецьком, котре теперь предсидать ґрупі G7, Індонезійов, Сенеґалом і Белізе. На саміті будуть діскутовати о плані на закінчіня ковідовой крізы, як і о приправі на далшы потенціалны огрожіня про здравя світовой популації, пише ся у выголошіню. Першый ґлобалный саміт заміряный на Covid-19 зорґанізовали минувшый рік в септембрі Споєны штаты.

(Медвідь, TASR)