Председа мадярьской влады Віктор Орбан собі думать, же войну на Україні выграла Росія, вопросом є лем тото, коли і хто добісідує ся із Москвов. Выходить то із пондількового онлайн розговору премєра про провладный канал Harcosok órája (Година бойовників) высыланім на платформі YouTube. Подля Орбана Запад не воює проти Росіянів, але скорше не хоче быти выхабленый із розділіня Україны. Орбан знова твердив, же тоту войну не мож выграти на фронті, вопросом є, хто досягне договор із Москвов, ці дійде ку америцько-російскому договору, або будуть Европаны наконець охотны їднати і будуть проходити европско-російскы переговоры. Война є подля мадярьского премєра уж вырішена, і переможцьом є Росія.

(Медвідь, TASR)