Председа мадярьской влады Віктор Орбан написав писмо председам членьскых партій Европской людовой партії, в котрім спомянув, же односно Мадярьска проходили в попередніх тыжднях безпрецедентны атакы і дезінформачна кампань. Аґентуру MTI о тім в понедільок інформовав премєрів говорця Берталан Гаваші. Крітіка мадярьской влады в остатнім часі была повязана з приятьом закона, котрый подля крітіків Орбана уможнює владнути за помочі декретів і без участи парламенту. Подля Орбана ся замірно іґноровав факт, же атакы были напрямены на мадярьску владу, котра в рамках боротьбы проти пандемії намагать ся ратовати жывоты. Участници подля Орбана коордінованой атакы пошырюють в очах премєра фалошны інформації і лжи.

(Медвідь, TASR)